المدفعجية يتحدون هانى شاكر: مكملين ومش هنوقف غنا وأهلينا ربونا على الاحترام والأصول

سيطرت على الساحة الفنية أزمة نقابة المهن الموسيقية وعلى رأسها النقيب الفنان هانى شاكر من ناحية ومطربى المهرجانات من ناحية أخرى، حيث كانت آخر مشاهدها إصدار فريق المدفعجية أحد فرق المهرجانات بيانا للرد على النقيب.

 

وقالت فرقة المدفعجية فى بيانها، مساء اليوم الثلاثاء، حول قرار منع التعامل معهم:” احنا المدفعجية من ساعة ما بدأنا وإحنا بنطور فى المزيكا لفينا مصر بيها ولفينا العالم بيها وفرحنا الناس فى أفراحهم وحفلاتهم حتى اللى بيسمعنا فى العربية.. احنا وغيرنا بيفرحوا ويتبسطوا عمرنا مازعلنا حد وهنكمل بيكم وليكم ولسه عندنا كتير ناس كتير طلعت اتكلمت وهاجمت.. وقالوا علينا اللى مش فينا وشتموا فينا إحنا كلنا متعلمين وجامعيين.. وأهلينا ربونا على الاحترام والتقدير والأصول”.

بيان المدفعجية
بيان المدفعجية

فريق المدفعجية يضم كلا من محمد صابر والشهير بـ”ديزل”، وإسلام شوقى “كنكا”، وسعيد سامى “دولسيكا”، وإسلام محمد، قال:”إحنا ضد أى حد يقول كلمة غلط فى المهرجان، مش بنأيد الغلط بس المفروض اللى يغلط يتحاسب لكن التعميم غلط فى حد ذاته، مثلا لو حد قتل احبسوا هو وعيلته وصحابه التعميم غلط مش صح، واحنا كمدفعجية مكملين ومش هنوقف غنا إحنا ورانا شعب مش جمهور وهنكمل بيكم وعلشانكم وكل حد فرحناه عارف الكلام ده كويس المهرجان أكبر قاعدة جماهرية فى مصر وعمره ما هيموت.. شكرا لجمهورنا اللى بيساندنا ودايما فى ضهرنا وشكرا ليكم أنكم دايما فى ضهرنا وانتم السبب فى شهرتنا ووجودنا وبيكم “.

 

جاء بيان المدفعجية ردا على قرار نقيب الموسيقيين هانى شاكر، بالتنبيه على كل المنشآت السياحية والبواخر النيلية والملاهى الليلية والكافيهات بعدم التعامل مع مطربى المهرجانات بعد أزمة مهرجان بنت الجيران لحسن شاكوش.

 

وقال هانى شاكر فى بيانه إنه فى إطار الجدل المجتمعى الحاصل على الساحة المصرية ووجود شبه اتفاق بين كل طوائف المجتمع على الحالة السيئة التى باتت تهدد الفن والثقافة العامة بسبب ما يسمى بأغانى المهرجانات، والتى هى نوع من أنواع موسيقى وإيقاعات الزار وكلمات موحية ترسخ لعادات وإيحاءات غير أخلاقية فى كثيرٍ منها، وقد أفرزت هذه المهرجانات ما يسمى بـ”مستمعى الغريزة”، وأصبح مؤدى المهرجان هو الأب الشرعى لهذا الانحدار الفنى والأخلاقى، وقد أغرت حالة التردى هذه بعض نجوم السينما فى المساهمة الفعالة والقوية فى هذا الإسفاف.

 

كتبت إيمان عصام

قد يعجبك أيضا

اترك رد

لن يتم نشر عنوان بريدك الإلكتروني.